Bazuar në kërkesat e ligjit nr. 26/2019 “Për shërbimin përmbarimor gjyqësor privat” dhe udhëzimin nr. 11, datë 17.07.2020, të ministrit të Drejtësisë “Për miratimin e rregullave për modalitetet, afatet dhe mënyrën e caktimit të përmbaruesit gjyqësor privat zëvendësues”, njoftojmë përmbaruesit për t`u përfshirë në procesin “Shprehje të interesit për të qenë përmbarues gjyqësor privat zëvendësues për vitin 2025”.
Kërkesat për shprehjen e interesit dorëzohen brenda datës 22 janar 2025, në formë elektronike, me postë, apo personalisht pranë DHKPGJP, sipas formularit.
Miratimi i “Listës së përmbaruesve gjyqësorë privatë zëvendësues për vitin 2025”, do bëhet nga DHKPGJP brenda datës 1.2.2025.